pet ki aag bujhane ka sabab kar rahe hain
is zamane ke kai mir matab kar rahe hain

koi hamdard bhare shahr mein baqi ho to ho
is kade waqt mein gumrah to sab kar rahe hain

kahin khatre mein na pad jae buzurgi apni
log is khauf se chhoton ka adab kar rahe hain

sab lifafe ki husuli ke liye ho raha hai
hum jo ye shaghl jo ye kar-e-adab kar rahe hain

har koi jaan hatheli pe liye phir raha hai
in dinon wo lab-o-rukhsar ghazab kar rahe hain