phir wahi tasawwur hai phir wahi nazare hain
phir wahi tabassum hai phir wahi sahaare hain

koi kab mila hum se ye hamein nahin malum
yun bhi hosh mein rah kar hum ne din guzare hain

un se dur rah kar bhi ye yaqin nahin hota
un se dur rah kar bhi hum ne din guzare hain

aaina khurach kar tum ghaur se zara dekho
kitne log bhuke hain kitne be-sahaare hain

aap bhi 'ziya' bhai kab ki baat karte hain
aaj kya wo hum tum hain jo wafa ke mare hain