phul bikhraati har ek mauj-e-hawa aati hai
aap aate hain ki gulshan mein saba aati hai

aap ke rukh se barasta hai sahar ka joban
aap ki zulf ke sae mein ghata aati hai

aap ke hath jo chhu jaen kisi dali se
gul hi kya khar se bhi bu-e-hina aati hai

aap lahra ke na yun dudhiya aanchal ko chalen
muskuraate hue phulon ko haya aati hai

aap ko kyun na tarasha gaya mere dil se
sang-e-marmar se hamesha ye sada aati hai