pindar-e-shab-e-gham ka darbar salamat hai
par sham-e-farozan ka inkar salamat hai

aain-e-zaban-bandi zindan pe nahin lagu
zanjir salamat hai jhankar salamat hai

tum pa-ba-shikasta bhi afraaz-sari dekho
dastur salamat hai dastar salamat hai

nashsha nahin paimana aankhen nahin dil dekho
miqdar salamat hai mear salamat hai

ab jo bhi nahin baqi be-wajh nahin baqi
ab jo bhi salamat hai be-kar salamat hai