pise hain dil ziyaada-tar hina se
chala do gam bhi jab wo ada se

wo but aae idhar bhi bhul kar rah
dua ye mangta hun main khuda se

hijab us ka hua shab mane-e-did
naqab ulti na chehre ki haya se

ishaara khanjar-e-abru ka bas tha
mujhe mara abas tegh-e-jafa se

bahut bal kha rahi hai zulf-e-jaanan
bachegi jaan kyun kar is bala se

hai behtar ek karishme mein hon do kaam
madine jaun rah-e-karbala se

khuda jab be-talab bar lae maqsad
uthaun kyun na hath apne dua se

'nizam' ab uqda-e-dil kyun na hal hon
mohabbat hai tujhe mushkil-kusha se