pursa-dari ke fan mein taq nahin
aisa pinjra hun jis mein chaak nahin

tu bhi majbur ho chuka hoga
in dinon main bhi thik-thak nahin

ek muayyan kalam hai tujh se
ye zarurat hai ishtiyaq nahin

roz aati hai ek sada mujh tak
aasmanon ke par tak nahin

dasht ka dagh banne wala hai
ek wahshi jo dil ka pak nahin

aise bad-zauq bhi nahin hain hum
munh lagane ko tujh mein khak nahin

ya tamanna tumhaari tutegi
ya sitaron bhara tabaq nahin

aur pila karo mera chehra
yun lage kuchh mujhe firaq nahin