qabr par howen do na chaar daraKHt

qabr par howen do na chaar darakht
ek kafi hai saya-dar darakht

tha main diwana gor par hai zarur
bed-e-majnun ka saya-dar darakht

hon wo bad-bakht mere sae se
khushk hote hain bar-dar darakht

tu jo ai sarw bagh mein jae
samar o gul karen nisar darakht

past hon tujh se ghairt-e-tuba
ek kya hon agar hazar darakht

wah-re mere aah ke jhonke
udte phirte hain kah-war darakht

main jo tasir-e-ah dikhlaun
koh hil jaen darkinar darakht

bagh-e-hasti mein zof-e-piri se
'rind' hun misl-e-bikh-khar darakht

baghban kyun na jaane is ko fuzul
kar chuke apni jab bahaar darakht


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close