qadam-qadam pe paraya dimagh hote hain ye pure log adhura dimagh hote hain kisi ki fikr pe labbaik hum nahin kahte hum apne haq mein khud apna dimagh hote hain jawan-umr mein darte hain jo baghawat se nae saron mein purana dimagh hote hain jo pahle-pahl andhera dikhai dete hon wo baad baad ujala dimagh hote hain bahut se log to pairon se sar ke baalon tak ba-shakl-e-jism sarapa dimagh hote hain amir-e-shahr ki qurbat mein baithne wale barae-nam hi apna dimagh hote hain kisi ki aankhon se duniya ko dekhne wale kisi ki fikr kisi ka dimagh hote hain