qand-e-dahan kuchh is se ziyaada
lutf-e-sukhan kuchh is se ziyaada

fasl-e-khizan mein lutf-e-bahaaran
barg-e-saman kuchh is se ziyaada

haal-e-chaman par talkh-nawai
murgh-e-chaman kuchh is se ziyaada

dil-shikani bhi dildari bhi
yaad-e-watan kuchh is se ziyaada

sham-e-badan fanus-e-qaba mein
khubi-e-tan kuchh is se ziyaada

ishq mein kya hai gham ke alawa
khwaja-e-man kuchh is se ziyaada