qatl-gah mein jab kisi saffak ka khanjar utha waste tazim ke tan se hamara sar utha jab kabhi pahlu se mujh mahzun ke wo dilbar utha dard sine mein jigar mein dil mein rah-rah kar utha garm-joshi se raqibon ki hua aisa malal teri mahfil se misal-e-shama main ro kar utha khak bhi jamne nahin deti hai aashiq ke qadam wo pari kahti hai saye se mere bistar utha chahta hai tu agar taj-e-sar-afraazi-e-dahr chaar din ke waste munim na bar-e-zar utha