qaza hai zindagi lagne laga tha
mujhe jab alwidaa us ne kaha tha

bahut roya wo diwaron se lag kar
makan mein aur us ke kya bacha tha

main apne pas hi baithi thi din bhar
kisi ka sath dubhar ho raha tha

ye qismat hai ki murjhai nahin main
zamin ko jab meri badla gaya tha

jo tum the sath to har su thi khushbu
hawaon mein na jaane kya ghula tha

thi itni bekali manzil ki mujh ko
ki mere sath rasta chal pada tha