qissa to zulf-e-yar ka tul o tawil hai
kyunkar ada ho umr ka rishta qalil hai

gunjaish-e-do-shah nahin ek mulk mein
wahdaniyat ke haq ki yahi bas dalil hai

mashhad pe dil ke dida-e-giryan pukar de
pyasa na ja ba-nam-e-shahidan sabil hai

nazren ladane mein wo taghaful hai khush-numa
jis tarah se patangon ke panjon mein dhil hai

'iman' kya bayan karun us shahsawar ka
hazir jilau ke bich jahan jibrail hai