raaton ki god mein the azabon ke silsile
aankhon mein phailte gae khwabon ke silsile

paikar tham gai to khula raaz dosto
milon talak the shahar-kharabon ke silsile

ab dil ki wusaton mein zara aa ke dekhiye
yaadon ki sar-zamin pe gulabon ke silsile

sahra ho reg-zar ho ya shahr-e-arzu
milte hain dur dur sarabon ke silsile

rangin aanchalon mein wo lipte hue jamal
aankhon mein jhankte hain naqabon ke silsile