rah-e-wafa mein jo bhi koi ja-nashin bane
tujh sa bane to khair hai mujh sa nahin bane

shayad hamare waste koi nahin bana
shayad kisi ke waste hum bhi nahin bane

sari zamin ke waste ek aasman bana
so aasman ke waste hum bhi makin bane

sab husn ban chuke hain tu sab se hasin hai
shayad jahan mein ab koi tujh sa hasin bane

meri khushi ke waste meri lahad wahin
us ki lahad ke pas hi bilkul wahin bane

tera badan ho barishon ki ki bund ki tarah
mera badan so us ke liye sar-zamin bane

shayad tumhaare waste ek main hi hun bana
shayad hamare waste ek ho tumhin bane