rahraw-e-rah-e-kharabaat-e-chaman
aa ki phir ek bar ho ja kohkan

tesha-e-azm-e-jawan daman mein rakh
tu sawar-e-shauq-e-sultani mein fan

koi saya zindagi ka gar mile
chaak-e-gul ho kar pahan lena kafan

didani hai us ke hathon mein inan
shahr mein bante hai jo maghrib ka dhan

aa utha phir saghar-o-mina chalen
phir se ho jae wo pahle sa sukhan

jis mein thi tah-dari-e-mansuriyat
wo anal-haq ka kahan hai bankpan