ras jab zindagi nahin aati
to 'jigar' maut bhi nahin aati

chot khata nahin hai dil jab tak
rawish-e-zindagi nahin aati

sath deti nahin agar taqdir
ras tadbir bhi nahin aati

dil ko jab tak lage na koi baat
rang par zindagi nahin aati

hasrat-o-yas-o-gham sabhi dil mein
aate hain ek khushi nahin aati

hijr hai maut aur hijr baghair
ishq mein zindagi nahin aati

samjhen kyunkar 'jigar' ka haal achchha
rukh pe jab tazgi nahin aati