registraron mein kahan gham shumari hoti hai
ye kaifiyat hai jo chehron pe tari hoti hai

hum aise log bhi nakaam isi mein hote hain
wo kaam jis mein bahut jaan mari hoti hai

ki zakhm bhul ke sab dad dene lagte hain
is ehtimam se takhrib-kari hoti hai

kisi ka bhi nahin hota hai sirf apne siwa
wo shakhs jis ki yahan sab se yari hoti hai

kabhi-kabhaar main ji bhar ke us ko dekhta hun
kabhi-kabhaar yahan dhund tari hoti hai