rishte ke uljhe dhagon ko dhire dhire khol rahi hai bitiya kuchh kuchh bol rahi hai pure ghar mein dol rahi hai dil ke kahe se aankhon ne bazar mein ek saman chuna hai hath bechaara soch raha hai jeb bhi khud ko tol rahi hai raat ki aankhen banch raha hun kuchh kuchh to main bhanp raha hun kuchh kuchh andar soch rahi hai kuchh kuchh bahar bol rahi hai ek akela kuchh bhi bole kaun shahr mein us ki sunta ped pe ek akeli bulbul jangal mein ras ghol rahi hai jab bhi khud ke hath jale tab baat ye sab ko yaad aati hai bachpan mein jo sikh mili thi ab tak wo anmol rahi hai