'riyaz' ek chulbula sa dil ho hum hon
hasinon ki bhari mahfil ho hum hon

kaha laila se kis ne dil ho to ho
kabhi to ho tera mahmil ho hum hon

maza de jae hum ko khwab-e-ghaflat
maza aa aae tum ghafil ho hum hon

zara hum bhi sunen tum ne kaha kya
adu se jab sar-e-mahfil ho hum hon

liye halqe mein hon sab ahl-e-mahshar
kamar mein hath ho qatil ho hum hun

bane til aankh ka ghat kar shab-e-wasl
hamari aankh mein ye til ho hum hon

teri ulti chhuri dil mein utar jae
adu jab is tarah bismil ho hum hon

ye thak kar baithna ho wajh-e-aram
maza hai sakhti-e-manzil ho hum hon

na khalwat chahiye hum ko na mashuq
'riyaz' ek aarzu-e-dil ho hum hon