sab ke hote hue lagta hai ki ghar khali hai
ye takalluf hai ki jazbaat ki pamali hai

aasmanon se utarne ka irada ho to sun
shakh par ek parinde ki jagah khali hai

jis ki aankhon mein shararat thi wo mahbuba thi
ye jo majbur si aurat hai ye ghar wali hai

raat be-lutf hai parhez ke salan ki tarah
din bhikari ke katore ki tarah khali hai

muddaton khud ko bharose mein liya hai main ne
tab kahin teri mohabbat ne sipar dali hai