saba ashkon se daman dho rahi hai udasi baal khole so rahi hai khamoshi naghma-e-ruh-e-talab hai sada khud saz mein gum ho rahi hai labon par yunhi halka sa tabassum nigahon se shikayat ho rahi hai hamin se sab ne pahchana hai un ko unhen hum se shikayat go rahi hai tijarat din o zar iman hai is ka hayat-e-nau basirat kho rahi hai ugengi ab ke zahr-alud faslen hawa zehnon mein nafrat bo rahi hai saja den zulf ashkon ki ladi se udasi baal khole so rahi hai