safar hamara ki baham bahut nidhaal raha
bichhadte waqt magar dil mein kyon sawal raha

tere malal mein zam the nigah sans badan
mera malal tha khalis ki bas malal raha

bichhadne wala kam-az-kam palat ke dekha to
bichhadne wale ka kuchh to use khayal raha

shab-e-firaq ho ya ho visal ki sa'at
tera khayal har ek rang mein kamal raha

mere badan mein bas ek ruh-bhar jagah hai dost
use hai aana so mujh ko wo ab nikal raha