safon ko jod koi ehtimam paida kar
nazar ko tab de zarf-e-imam paida kar

mujahidat mein apna maqam paida kar
khamoshiyon se bhi husn-e-kalam paida kar

charagh-pa na ho logon ki nukta-chini par
dilon ko jit sake wo maqam paida kar

abhi sada-e-talab se hai mai-kada khali
ki daur-e-jam mein tasir jam paida kar

guzar gae hain jo auqat un ka matam kya
koi saliqe ka ab to nizam paida kar

'rawish' faza hai mukaddar munafarat ki jahan
wahin ki khak se khushbu mudam paida kar