sahar khwab-e-hasin se bahar aa lazzat-e-be-yaqin se bahar aa juzw-e-tufan nahin to qatra kya mauja-e-tah-nashin se bahar aa phir swayamwar rache dhanush tute aa darun-e-zamin se bahar aa bab-e-mah khol ya daricha-e-mehr meri khatir kahin se bahar aa kaise dun main sujud-e-jaan ka hisab dagh-e-pinhan jabin se bahar aa dil ki rahon mein sarhaden kaisi khat-kashida zamin se bahar aa nilgun ho chuka hun main kab ka ab meri aastin se bahar aa