sahib-e-takht hai muqaddar se
jo nikala gaya tha lashkar se

ab bhi hai waqt laut aao tum
pani guzra nahin abhi sar se

ishq aisa ki maut aane par
wo bhi niklega mere andar se

zahr khana hi pad gaya aakhir
pet raazi nahin tha patthar se

tum ne achchha kiya juda ho kar
ek bala tal gai mere sar se

main batata hun kya bala hai ishq
ishq ek jang hai muqaddar se

dushmanon ko bhi us ne dawat di
chahne wale did ko tarse