samajhna fahm gar kuchh hai tabii se ilahi ko
shahadat ghaib ki khatir to hazir hai gawahi ko

nahin mumkin ki hum se zulmat-e-imkan zail ho
chhuda de aah koi kyun ke zangi se siyahi ko

ajab aalam hai idhar se hamein hasti satati hai
udhar se nisti aati hai daudi uzr-khwahi ko

na rah jawe kahin tu zahida mahrum rahmat se
gunahgaron mein samjha kariyo apni be-gunahi ko

na lazim nisti us ko na hasti hi zaruri hai
bayan kya kijiye ai 'dard' mumkin ki nanahi ko