samne mere hai duniya jyun samundar ret ka
aur sab ki zindagi jaise bawandar ret ka

ret ki diwar ke sae mein baitha aadmi
aur sae par bharosa dil ke andar ret ka

ret ke mahlon mein rahte karobari ret ke
jit kar duniya rahega har sikandar ret ka

niw jati hai khisakti kya karega rab yahan
din-o-mazhab ret ke hain aur mandar ret ka

kahne wala ek 'alam' ret ke naghme kahe
sunne wala ye zamana jaise manzar ret ka