samundar ko sahaara kar liya hai kinaron se kinara kar liya hai gareban chaak tha pahle hi apna jigar bhi para-para kar liya hai teri diwar ke sae ko hum ne safar ka istiara kar liya hai shab-e-hijran teri wabastagi ko muqaddar ka sitara kar liya hai bahut mushkil tha tere baad jina magar phir bhi guzara kar liya hai mere hisse mein raeganiyan hain kai bar istikhara kar liya hai