sanson ko de ke tohfa-e-nikhat guzar gai chhu kar mujhe hawa-e-mohabbat guzar gai aankhon mein e'tibar ka mausam basa raha mujh ko fareb de ke wo surat guzar gai mahsus kar raha hun use har nafas ke sath wo jis ke intizar mein muddat guzar gai aankhon mein ek karb sa lahra ke rah gaya nazron se jab bhi teri shabahat guzar gai waqt aa pada zamir-faroshi ka gar kabhi daman bacha ke meri zarurat guzar gai 'abid' mere liye to qayamat se kam na thi kahne ko us ke hijr ki saat guzar gai