sapan kitna salona chahti thi
teri mahbub hona chahti thi

ye mohlat hi nahin di zindagi ne
main tere sath rona chahti thi

teri sanson ki khushbu se bhare hon
main aise phul bona chahti thi

teri aaghosh mein aa kar ye jaana
ki main sadiyon se sona chahti thi

ye mere aansuon ki intishaari
tere gham ka bichhauna chahti thi

mayassar hi na ho paya mujhe tu
mein khud ko tujh mein khona chahti thi