sar-nigun kar hi diya zauq-e-jabin-sai ne
nakhwat-e-ishq mita di teri yaktai ne

hosh idrak se begana bana kar ek bar
koi karwat hi na badli teri angdai ne

ban gaya be-khud-e-nazzara ba-alfaz-e-digar
laj rakh li tere jalwon ki tamashai ne

mukhtasar ek to waise hi na thi qaid-e-hayat
aur miad badha di shab-e-tanhai ne

qadar hone lagi arbab-e-mohabbat mein 'shakil'
mujh ko insan banaya meri ruswai ne