sarguzisht apni raqam karte rahe
aap kahte aur hum karte rahe

bazm-e-saqi se uthane ki hamein
koshishen duniya ke gham karte rahe

subh-o-sham-o-roz-o-shab allah se
teri baaten ai sanam karte rahe

zindagi bharti rahi jam-e-sifal
hum use pi pi ke kam karte rahe

dalte aansu kisi par kya asar
beshtar daman hi nam karte rahe

be-bas-o-majbur kar deta hai ishq
hum gawara har sitam karte rahe

hans ke tarkhana kabhi bhule nahin
wo hamesha ye karam karte rahe