sawad-e-sham-e-safar ka malal kuchh bhi nahin karun main arz bhi kya arz-e-haal kuchh bhi nahin dil-e-hazin ka bayan lakh kijiye bhi to kya agarche us ko hamara khayal kuchh bhi nahin bala ki aarzu pale hue hai dil ye hanuz is aarzu ke liye mah-o-sal kuchh bhi nahin nishan-e-khalwat-e-shab dil pe naqsh hai lekin fareb-e-ishq ka hum ko malal kuchh bhi nahin khamoshiyan bhi bahut kuchh bayan karti hain bayan-e-ishq ko lafz-o-khayal kuchh bhi nahin sunenge aap bhi ek din dil-e-shikasta se uruj kuchh bhi nahin hai zawal kuchh bhi nahin sawal zehn mein yun to hazaron hain 'arif' magar ye kya hai ki us se sawal kuchh bhi nahin