sawan ka mahina bhi hai barish bhi nahin hai sukhe hue kheton pe nawazish bhi nahin hai ab sar-ba-gareban hai mere shahr ka mausam ahbab bhi khamosh hain sazish bhi nahin hai har mod pe milti hain tahayyur ki lakiren pahle ki tarah tarz-e-nigarish bhi nahin hai har gam pe tufan ka tasalsul hai mere sath pairon mein abhi tak mere laghzish bhi nahin hai main rakht-e-safar bandh ke nikla to hun ghar se har gosha-e-dil mein koi khwahish bhi nahin hai sakit hai faza waqt ki masmum hawa se titli ke paron mein koi jumbish bhi nahin hai mehnat ka sila kaise karega wo muqarrar 'khalid' mere hamrah sifarish bhi nahin hai