shab-e-tarik hun nur-e-sahar hone ki khwahish hai main aisa ho nahin sakta magar hone ki khwahish hai mohabbat ke muqabil aa gai hai dosti yaro udhar main ho nahin sakta jidhar hone ki khwahish hai wagarna tera hona aur na hona ek jaisa hai kisi ahl-e-nazar se mil agar hone ki khwahish hai 'raza' ek din tujhe apni nazar se bhi gira degi ye jauhar ek nazar mein mo'tabar hone ki khwahish hai