shabnam mein phul mein ki chaman ke nikhaar mein tum kis mein chhup ke aaoge ab ke bahaar mein yaad un ki jalwa-gar hai dil-e-dagh-dar mein nikla hai aaftab shab-e-intizar mein anjam ashk-ha-e-mohabbat ka dekhiye durr-e-yatim mil gae gard-o-ghubar mein ehsas ho raha hai mujhe bar bar yun jaise koi khada ho mere intizar mein ahwal husn-o-ishq ka 'ahsan' na puchhiye ye ikhtiyar mein hai na wo ikhtiyar mein