shadan na ho gar mujh pe kada waqt pada hai
tu zad mein hai jis waqt ki us se bhi kada hai

hai dhup mere sar pe magar tu bhi meri jaan
girti hui diwar ke sae mein khada hai

kya shan hai wallah husain-ibn-e-ali ki
sar kat gaya qad phir bhi harifon se bada hai

hum lash samajh kar jise phenk aae the wo shakhs
chattan ki manind alam ban ke khada hai

han tut gaya wo bhi shajar tha jo tanawar
kuchh der magar tund hawaon se lada hai