shahadat mein zafar raushan jabin ko dekh le aa kar
sun ai qatil meri fath-e-mubin ko dekh le aa kar

meri yaadon mein hain aabaad mazlum-e-jahan sare
kahan tak adl hai dil ki zamin ko dekh le aa kar

mila hai yak jahan gham mujh ko teri bewafai se
ye kaisa auj hai jaan-e-hazin ko dekh le aa kar

mujhe fikr-e-jahan kitni hai apni zat mein 'rashid'
mile fursat to us khana-nashin ko dekh le aa kar