shahr-e-afat mein hangama-e-zindan hai bahut
ishq par ab bhi musallat gham-e-dauran hai bahut

ab kisi taur mujhe chhu na sakega tera gham
ab mere chaaron taraf halqa-e-yaran hai bahut

log hote chale jate hain nigahon se pare
lekin ek zehn mein wazeh rukh-e-taban hai bahut

mustanad kaun se pairae hain sheron ke liye
ye parakhne ke liye mir ka diwan hai bahut

pyar to pyar kudurat bhi kahan rakhta hai
mujhe bhi is ki tarah shikwa-e-insan hai bahut

juz mere chhin gaya hai dar-o-diwar-o-fasil
'soz' is bar to kam-zarfi-e-tufan hai bahut