sham aai teri yaadon ke sitare nikle
rang hi gham ke nahin naqsh bhi pyare nikle

ek mauhum tamanna ke sahaare nikle
chand ke sath tere hijr ke mare nikle

koi mausam ho magar shan-e-kham-o-pech wahi
raat ki tarah koi zulf sanware nikle

raqs jin ka hamein sahil se baha laya tha
wo bhanwar aankh tak aae to kinare nikle

wo to jaan le ke bhi waisa hi subuk-nam raha
ishq ke bab mein sab jurm hamare nikle

ishq dariya hai jo tere wo tahi-dast rahe
wo jo dube the kisi aur kinare nikle

dhup ki rut mein koi chhanw ugata kaise
shakh phuti thi ki ham-sayon mein aare nikle