sharab dhalti hai shishe mein phul khilte hain
chale bhi aao ki ab donon waqt milte hain

jo ho sake to gale mil ke ro le ai gham-khwar
ki aansuon hi se daman ke chaak silte hain

ye aur baat kahani si koi ban jae
harim-e-naz ke parde hawa se hilte hain

mere lahu se moattar tere labon ke gulab
teri wafa se kanwal mere dil ke khilte hain

dhadak raha hai masarrat se kaenat ka dil
kabhi ke bichhde hue dost aaj milte hain