sharab mein hai na rangini-e-bahaar mein hai wo kaif-e-tauba-shikan jo shabab-e-yar mein hai nasihaten teri naseh baja sahi lekin main dil ke bas mein hun dil un ke ikhtiyar mein hai ada batati hai kaliyon ke muskurane ki ki koi shokh-sara parda-e-bahaar mein hai nazar bhi ishq ke bande utha nahin sakte ki dil ka bhed nigahon ke ikhtiyar mein hai shikast-e-rang ka manzar bhi aa ke dekh kabhi meri khizan mein hai sab jo teri bahaar mein hai