shauq-e-surur sham-e-gham apne siwa kisi ka hai
jam-o-subu kisi ke hain kaif-o-nasha kisi ka hai

khud tak pahunch ke dekhiye kya kya padega beach mein
goya qaba hai aap ki band-e-qaba kisi ki hai

khema-e-samri ko hai azhdaha-e-ramis ka khauf
yani asa kisi ki hai yani khuda kisi ka hai

kis kis khuda ka zikr ho kis kis khuda se kaam ho
dil mein dua kisi se hai harf-e-dua kisi ka hai

kasa-e-jism-o-jaan khala lamha-e-dostan khala
wada-e-shab kisi se hai wada wafa kisi ka hai