shikast-e-ruh se pahle sahar nahin hoti tamam umr shab-e-gham basar nahin hoti hujum-e-yas ke mare hue kidhar jaen har ek rah teri rahguzar nahin hoti ba-har-maqam wo rahte hain ba-khabar hum se aur is tarah ki hamein bhi khabar nahin hoti kabhi asar ba-lihaz-e-dua nahin rahta kabhi dua hi ba-qadr-e-asar nahin hoti ye inqilab-e-zamana ki dam-ba-dam paida ye zindagi ki idhar se udhar nahin hoti tulu-e-subh ki ummid ne hamein 'ishrat' wo raat di jo kisi se basar nahin hoti