shikwe hamein to jehd-e-mukarrar ke nahin hain hijrat hui hai yun ki kisi ghar ke nahin hain kis jurm mein ye pahlu-tahi hum se rawa hai ai shisha-e-gard hum koi patthar ke nahin hain sar-basta-e-zanjir kiya hum ko jinhon ne wo log usi ghar ke hain bahar ke nahin hain kis darja mukarram hain mere ashk na puchho wo dam mile hain ki jo gauhar ke nahin hain wo dard saha hai ki jo ghairon ka nahin tha wo zakhm lage hain ki jo khanjar ke nahin hain