silsila sanson ka yun be-zabta ho jaega raat din pina hi jehd-e-la-baqa ho jaega juz-o-la-yanfak rahe gar zist ke karb-o-alam mera apna aap kuchh ho ain la ho jaega gar yunhi iza-kash-e-haalat rahna hi pada kuchh ka kuchh sab aur jaane kya se kya ho jaega baad tere pith suraj ki taraf karni padi ho na ho ab mujh se saya bhi juda ho jaega din-ba-din girte rahe aqdar to anjam-e-kar kal ko jo kuchh na-rawa tha sab rawa ho jaega qafile yaadon ke yun aate rahe to ek din qatra qatra aansuon ka be-haya ho jaega sirf ek jast-e-junun tak hai ye dasht in-o-an baad is ke jo bhi khota hai khara ho jaega dub jaunga kisi saghar mein ek din mera kya jis ka jo kuchh bhi hai mujh par wo ada ho jaega