soz bhi saz bhi har naghma-sarai teri zarre zarre pe jahan ke hai khudai teri mera ehsas to chhu bhi na saka aks tera main ne lafzon se hi taswir banai teri raushni teri hi rahti hai nabard-e-bina di hai kanon ko bhi aawaz sunai teri hont milte hain to bas teri inayat ke sabab kaise alfaz karen shukr-adai teri meri tangi meri aasudgi sab teri ata mujh ko makhluq mein hasil hai gadai teri us ke qadmon se lipat jati hai manzil aakar jis ko mil jae agar rahnumai teri ek taraf meri dua ek taraf bab-e-'asar' donon dete rahe honton se duhai teri