soz se saz hi nahin haal hai kuchh ajab tera
main to niyaz-mand hun naz hai be-sabab tera

ishwa kaamyab hai jo bhi hai be-hisab hai
rahm tera karam tera qahr tera ghazab tera

main to hun naqsh-e-zer-e-gam jaanta hun tera maqam
mujh pe ye kya hai ittiham main na karun adab tera

jaane kis tarah jaegi jaan ye kab tere liye
aane ki tarah aaega mujh ko khayal kab tera

dast-e-dua na pas hai bakht-e-rasa na sath hai
kyun ho 'munawar'-e-hazin banda-e-mutakhab tera