sukhan kiya jo khamoshi se shaeri jagi
charagh lafzon ke jal utthe raushni jagi

zid-e-malal-o-masarrat mein umr bit gai
ye dew soya na wo khwab ki pari jagi

tu barf dard samundar mein iztirab aaya
to khushk-chashm jazire mein kuchh nami jagi

wahan zaban pe samundar ki khushkiyan ubhrin
yahan zamin ke honton pe kuchh hansi jagi

nazar nazar mein samain halawaten 'shahpar'
khayal-e-lams-o-nazara mein sarkhushi jagi