suna pada hai dil ka makan aap ke bina
rah rah ke uth raha hai dhuan aap ke bina

yun to khile hain phul kai rang ke magar
phike pade hain donon jahan aap ke bina

ye soch ke main ghum raha hun yahan wahan
rahat milegi dil ko kahan aap ke bina

bas is liye hi ganw se main shahr aa basa
main kya karunga rah ke wahan aap ke bina

'adarsh' kah raha hai ki mat aao mere pas
barbaad ho gaya hun yahan aap ke bina